Welcome to Heratsi N1 University Hospital Բարի գալուստ Հերացի թիվ 1 համալսարանական հիվանդանոց Добро пожаловать в университетскую больницу Гераци N1
+374 91 474169 [email protected]
1 Star2 Stars3 Stars4 Stars5 Stars
Loading...
920 Views

Չծխել

մի քանի օր

Անզգայացում

ընդհանուր

Սպիեր

անտեսանելի

Ընդհանուր

Ճակատային մաշկի ձգումը, որը նաև հայտնի է որպես ճակատի մաշկի երիտասարդացում կամ հոնքեր բարձրացում, մաշկային պրոցեդուրա է: Ճակատային երիտասարդացումը բարելավում է ճակատի, հոնքերի և աչքերի շրջանը՝ ձգելով ճակատային մաշկը:

 

Եթե ունեք հոնքերի կախվածություն կամ անհամաչափություն, ապա դրանց լուծում է համարվում ճակատային մաշկի ձգումը:

 

Ճակատային մաշկի երիտասարդացում կարելի է կատարել մեկ վիրահատությամբ կամ դեմքի այլ պրոցեդուրաների հետ, օրինակ՝ կոպի վիրահատություն (բլեֆարոպլաստիա) կամ դեմքի մաշկի ձգում:

Ինչու է արվում նման վիրահատություն

Տարիների ընթացքում հոնքերն աստիճանաբար իջնում են և առաջանում է տեսանելի կախվածություն։ Քանի որ մաշկն ու հյուսվածքները կորցնում են իրենց էլաստիկությունը, կրճատվում է նաև միջհոնքային և թարթիչային հեռավորությունը։

 

Հոնքերի նման «ցածր» դիրքը ստեղծում է հոգնած, տխուր կամ բարկացած լինելու տպավորություն։ Ճակատի մաշկի ձգումը կհաղորդի դեմքին ավելի թարմ տեսք։

Ռիսկերը

Ճակատի մաշկի ձգումը տարբեր ռիսկեր է պարունակում, այդ թվում `

  • Սպիեր:
  • Մաշկի զգայական փոփոխություններ: Մաշկի ձգումը կարող է ժամանակավոր կամ մշտական տհաճության զգացում առաջացնել գլխի ճակատային կամ դրա վերին մասում:
  • Շերտերի դիրքի անհամաչափություն: Ավելորդ մաշկի հեռացումը կարող է հանգեցնել անհամաչափության: Այնուամենայնիվ, անհամաչափություն կարող է նույնիսկ առաջանալ բուժման ընթացում: Նման խնդիրները կարելի է բուժել լրացուցիչ վիրահատության միջոցով:
  • Մազերի խնդիրներ: Կարող է առաջանալ կտրվածքի մակերևույթին մազի կորուստ: Եթե մազի կորուստը ինքնուրույն չի վերականգնվում, այն կարող է բուժվել սպիագոյացմամբ կամ մազերի փոխպատվաստմամբ:

Ինչպես անկացած այլ խոշոր վիրահատության պարագայում, կա արյունահոսության, վարակի և անզգայացմանը օրգանիզմի բացասական արձագանքի ռիսկ։

Ինչպես նախապատրաստվել

Անհրաժեշտ է խորհրդակցել դեմքի պլաստիկ վիրաբույժի հետ: Ձեր առաջին այցի ընթացքում ձեր վիրաբույժը հավանական է, որ՝

  • Վերանայի ձեր բժշկական պատմությունը: Պատրաստվեք պատասխանել ընթացիկ և նախկին բժշկական պայմանների վերաբերյալ հարցերին: Խոսեք վերջերս ընդունած ցանկացած դեղամիջոցի, ինչպես նաև ցանկացած վիրահատության մասին: Տեղեկացրեք ձեր բժշկին, եթե դուք ալերգիկ եք ցանկացած դեղամիջոցի օգտագործմանը:
  • Զննում: Բուժման տարբերակ ընտրելու նպատակով բժիշկը կատարում է դեմքի հատվածների զննում: Բժիշկը կարող է լուսանկարներ անել ձեր բժշկական գրառումների համար:
  • Քննարկեք ձեր սպասելիքները: Բացատրեք, թե ինչու եք ցանկանում ճակատի մաշկի ձգում կատարել, խոսեք ձեր ակնկալիքների մասին: Համոզվեք, որ հասկանում եք առավելությունները և ռիսկերը:

Նախքան ճակատային հատվածի մաշկի ձգման վիրահատությունը հնարավոր է անհրաժեշտ լինի, որ դուք՝

  • Դադարեցնեք ծխելը: Ծխելը նվազեցնում է մաշկի մեջ արյան հոսքը և կարող է դանդաղեցնել բուժման գործընթացը: Եթե ծխում եք, ձեր բժիշկը խորհուրդ կտա, որ դադարեցնեք ծխելը վիրահատությունից առաջ և վերականգնման ընթացքում:
  • Խուսափեք որոշակի դեղամիջոցների օգտագործումից: Դուք, ամենայն հավանականությամբ, պետք է խուսափեք ասպիրինի, հակաբորբոքային դեղամիջոցների և բուսական հավելումների օգտագործումից, որոնք կարող են մեծացնել արյունահոսության հավանականությունը:
  • Վերականգնման ընթացքը: Հիվանդանոցից դուրսգրումից հետո տնային խնամակալի առկայություն, առնվազն տանը վերականգնման առաջին գիշերը:

 

Վիրահատության ընթացքում

Ճակատային հատվածի բարձրացման տեխնիկան կախված է ձեր ցանկալի արդյունքներից: Ձեր վիրաբույժի ընտրած յուրահատուկ տեխնիկան որոշելու է կտրվածքների տեղադրությունը:

Բժիշկը կարող է օգտագործել հետևյալ մեթոդներից մեկը՝

  • Էնդոսկոպիկ։ Ձեր վիրաբույժը մի քանի փոքր կտրվածքներ կկատարի ձեր ճակատային մազերի երկայնքով: Այնուհետև նա կներդնի երկար և բարակ լույսով խողովակ՝  դրա ծայրին  տեղադրելով փոքրիկ ֆոտոխցիկը (էնդոսկոպ)՝ տեսնելու ձեր ստորին մկանները և հյուսվածքները:

Օգտագործելով գործիքը մեկ այլ կտրվածքով՝ ձեր վիրաբույժը կբարձրացնի ձեր ճակատային հյուսվածքները և դրանք կամրացնի ամրակներով, փոքր պտուտակներով կամ այլ տեխնիկայով: Ձեր կտրվածքները այնուհետև փակվում են կարերի կամ փոքրիկ ամրակալների միջոցով:

  • Կոռոնալ: Ձեր վիրաբույժը կտրվածք է կատարում ձեր գլխի վերին մասում՝ ականջից ականջ: Այսպիսով, ճակատային մաշկը կբարձրացվի իր նոր դիրքով:

Այնուհետև ավելորդ գլխամաշկը հեռացվում է, իսկ մնացածը մազերի հետ միասին կարվում է: Այս տեխնիկան սովորաբար չի կիրառվում այն մարդկանց համար, ովքեր ունեն մազերի բարձր եզրագիծ, մազերի նոսրություն կամ մազաթափություն:

  • Մազի հատվածի երկայնությամբ ձգում: Ձեր վիրաբույժը կտրվածք է կատարում ճակատի մաշկի վերին մասին և մազերի սկզբնամասին: Նա կհեռացնի փոքր քանակությամբ մաշկ և հյուսվածք ձեր ճակատի վերևի մասից, այլ ոչ թե գլխից: Արդյունքում, ձեր մազերը հետ չեն քաշվում:

Կախված վերականգնումից, սպին կարող է տեսանելի լինել մազի երկայնքով:

Մազի հատվածի երկայնությամբ ձգմամբ վիրահատությունը սովորաբար տևում է մոտ մեկ-երկու ժամ:

Հետվիրահատական փուլ

Ճակատային հատվածի մաշկի ձգումից հետո ձեր ճակատը կարող է թույլ փաթաթված լինել՝ այտուցը նվազեցնելու համար: Փոքր խողովակ կարող է տեղադրվել կտրվածքի հատվածի վրա` ավելցուկային արյան կամ հեղուկի դուրս բերման համար:

Ձեր բժիշկը ձեզ կտրամադրի կոնկրետ ցուցումներ, թե ինչպես խնամել կտրվածքների հատվածները: Առաջին մի քանի օրվա ընթացքում՝

  • Հանգստացեք գլուխը բարձրացրած, ընդունեք ցավազրկող դեղամիջոցներ՝ բժշկի հետ նախապես խորհրդակցելով։
  • Օգտագործեք սառը կոմպրեսներ:
  • Խուսափեք ձեր կտրվածքները բացելուց կամ դրանց վրա չափազանց մեծ ճնշում գործադրելուց:

Վերականգնման շրջանում, դուք կարող եք զգալ քորի առաջացում և թմրություն, ինչը, ժամանակի ընթացքում նվազում է: Եթե ձեր կտրվածքները ծածկված են բշտիկներով, ապա ձեր բժիշկը, ամենայն հավանականությամբ, կհեռացնի դրանք 1-3 օրվա ընթացքում: Վիրահատական ասեղները սովորաբար հեռացվում են վիրահատությունից 7-10 օրվա ընթացքում:

Հարցրեք ձեր բժշկին, թե երբ կարելի է վերսկսել ձեր առօրյա գործողությունները՝ ներառյալ մազերի լվացումն ու չորացումը։ Հիշեք, որ այտուցը կարող է տևել մի քանի շաբաթ:

Կտրվածքների հետքերը կնվազեն ժամանակի ընթացքում: Կարելի է դիմահարդարմամբ թաքցնել դեմքի կապտուկները։

Անմիջապես դիմեք ձեր բժշկին, եթե ունեք.

  • Շնչահեղձություն
  • Կրծքավանդակի ցավ
  • Անկանոն սրտի աշխատանք
Ինչ կարող եք ակնկալել

Ճակատային հատվածի մաշկի ձգման վիրահատությունը կատարվում է հիվանդանոցում կամ ամբուլատոր վիրաբուժական հաստատությունում: Վիրահատությունը կատարվում է ընդհանուր անզգայացմամբ։

Արդյունքները

Ճակատի փափուկ հյուսվածքի և մաշկի հեռացմամբ ճակատային մաշկի ձգումը ձեր դեմքն ավելի երիտասարդ կդարձնի:

Հիշեք, որ արդյունքները հավերժ չեն լինելու, քանի որ տարիների ընթացքում այն կարող է կրկին թուլանալ: Արևի ճառագայթները կարող են ևս մաշկի թուլացման պատճառ դառնալ:

Հասցե:  58, 60, 60/1 Աբովյան, 0025, Երևան, ՀՀ

Հեռախոսահամար: +374 91 474169

Էլ․ փոստ:  [email protected]