Welcome to Heratsi N1 University Hospital Բարի գալուստ Հերացի թիվ 1 համալսարանական հիվանդանոց Добро пожаловать в университетскую больницу Гераци N1
+374 91 474169 [email protected]
1 Star2 Stars3 Stars4 Stars5 Stars
Loading...
951 Views
Ընդհանուր

Բլեֆարոպլաստիան վիրահատություն է, որը վերացնում է կոպերի կախվածությունը և կարող է ընդգրկել ավելորդ մաշկը, մկանները և ճարպը: Տարիների ընթացքում ձեր կոպերը ձգվում են, և դրանց մկանները թուլանում են։ Արդյունքում ավելորդ ճարպը կարող է հավաքվել վերևի և ներքևի կոպերում՝ առաջացնելով հոնքերի կախվածություն, վերին կոպերի կախվածություն և պարկերի առկայություն աչքերի ներքևում:

Ձեզ ավելի մեծ տարիք հաղորդելուց զատ, ձեր աչքերի շուրջ ավելորդ մաշկը կարող է նվազեցնել ձեր կողմնային տեսողությունը (անկյունային տեսողություն), հատկապես տեսողության դաշտի վերին և արտաքին մասերը: Բլեֆարոպլաստիան կարող է նվազեցնել կամ վերացնել տեսողության այս խնդիրները և ձեր աչքերը դարձնել ավելի երիտասարդ։

Հասկանալու համար արդյոք բլեֆարոպլաստիան արդյոք ճիշտ լուծում է ձեզ համար, պարզեք, թե ինչ կարող եք ակնկալել՝ գնահատելով բլեֆարոպլաստիայի առավելությունները և ռիսկերը:

Ինչու է կատարվում նման վիրահատություն

Բլեֆարոպլաստիա կատարելու անհրաժեշտություն է առաջանում, եթե վերին կոպը խանգարում է ձեր աչքերը լիովին բացելու կամ ձեր ստորին կոպերը քաշելու համար: Վերին կոպերի ավելցուկային հյուսվածքի հեռացումը կարող է բարելավել ձեր տեսողությունը: Վերին և ստորին կոպի բլեֆարոպլաստիան կարող է ձեր աչքերը դարձնել ավելի երիտասարդ:

Բլեֆարոպլաստիան կարող է լուծում լինել, եթե ունեք՝

  • Կախված կամ կնճռոտված կոպեր
  • Վերին կոպերի ավելցուկային մաշկ, որը խանգարում է ձեր տեսողությանը
  • Ստորին կոպերին ավելորդ մաշկի առկայություն
  • Պարկեր աչքերի տակ

Կարող եք բլեֆարոպլաստիայի հետ միաժամանակ կատարել ճակատային մաշկի ձգում, դիմային մաշկի ձգում։

Ռիսկերը

Բլեֆարոպլաստիայի հնարավոր ռիսկերը ներառում են `

  • Վարակի ստացում և արյունահոսություն
  • Չոր, գրգռված աչքեր
  • Բարդություն աչքերը փակելիս, այլ խնդիրներ
  • Տեսանելի սպիեր
  • Աչքի մկանների վնասում
  • Մաշկի գունազրկում
  • Հետվիրաբուժական պարբերական այցեր կլինիկա
  • Ժամանակավոր անկանոն տեսողություն կամ, հազվադեպ, տեսողության կորուստ
  • Ընդհանուր վիրահատության հետ կապված ռիսկեր, ներառյալ օրգանիզմի արձագանքը անգայացմանը, արյան հյուսվածքի գնդերի առաջացում։

Խորհրդակցեք ձեր բժշկի հետ, թե ինչպիսի վիրաբուժական ռիսկեր կարող են լինել ձեզ համար: Հասկանալով բլեֆարոպլաստիայի օգուտներն ու ռիսկերը՝ կկողմնորոշվեք, թե որքանով է այն ձեզ հարկավոր։

Ինչպես նախապատրաստվել

Նախքան բլեֆարոպլաստիկայի պլանավորումը, անհրաժեշտ է խորհրդակցել պլաստիկ վիրաբույժի և ակնաբույժի կամ պլաստիկ վիրաբույժի հետ, որը մասնագիտացած է աչքի վիրահատություններով (աչքի պլաստիկ վիրաբույժ) քննարկելու համար՝

  • Ձեր բժշկական պատմությունը: Ձեր վիրաբույժը հարցումներ է կատարում նախորդ վիրահատությունների և անցյալ կամ ընթացիկ գործողությունների մասին, ինչպիսիք են՝ աչքերի չորությունը, գլաուկոման, ալերգիաները, արյան շրջանառության խնդիրները, քաղցկեղը և շաքարախտը: Ձեր բժիշկը նաև հարցնում է դեղերի, վիտամինների, բուսական հավելումների, ալկոհոլի, ծխախոտի և թմրանյութերի օգտագործման մասին:
  • Ձեր սպասելիքները: Ձեր ակնկալիքների և վիրահատության դրդապատճառների մասին անմիջական քննարկումները կօգնեն պատկերացում կազմել սպասվող արդյունքի վերաբերյալ:

Նախքան կոպի վիրահատությունը, անհրաժեշտ է անցնել հետևյալ հետազոտությունները.

  • Ֆիզիկական հետազոտություն: Ձեր վիրաբույժը կկատարի ֆիզիկական հետազոտություն, որը կարող է ներառել ձեր արցունքի արտադրության ստուգումը և կոպերի չափումը:
  • Տեսողության հետազոտություն: Ձեր աչքի բժիշկը կհետազոտի ձեր աչքերը՝ ստուգելու տեսողությունը, ներառյալ ձեր անկյունային տեսողությունը:
  • Կոպերի լուսանկարում: Ձեր աչքերը լուսանկարվելու են տարբեր անկյուններից: Այս լուսանկարները օգնում են պլանավորել վիրահատությունը, գնահատել դրա անմիջական և երկարաժամկետ ազդեցությունները:

Ձեզնից կպահանջվի.

  • Դադարեցնել Warfarin (Coumadin, Jantoven), ասպիրին, ibuprofen (Advil, Motrin IB, և այլ), naproxen sodium (Aleve, այլ), naproxen (Naprosyn) և ցանկացած այլ դեղամիջոցի, կամ բուսական հավելումների օգտագործումը, որոնք կարող են արյունահոսության պատճառ դառնալ: Ձեր բժշկին հարցրեք, թե վիրահատությունից հետո որքան ժամանակ է հարկավոր դադարեցնել այդ դեղերի ընդունումը: Ընդունեք միայն ձեր վիրաբույժի կողմից հաստատված դեղամիջոցները:
  • Զերծ մնացեք վիրահատությունից մի քանի շաբաթ առաջ ծխելուց: Ծխելը կարող է դանդաղեցնել ձեր՝ վիրահատությունից կազդուրվելու շրջանը:
  • Վերականգնման ընթացքը: Հիվանդանոցից դուրսգրումից տնային խնամակալի առկայություն, առնվազն տանը վերականգնման առաջին գիշերը:
Ինչ կարող եք ակնկալել

Նախքան վիրահատությունը

Բլեֆարոպլաստիան սովորաբար կատարվում է ամբուլատոր պայմաններում, ընդհանուր անզգայացմամբ:

 

Վերականգնման ընթացքը

Հիվանդանոցից դուրս գրվելիս տնային խնամակալի առկայություն, առնվազն տանը վերականգնման առաջին գիշերը:

Վերին և ստորին կոպերի վիրահատության դեպքում, սովորաբար առաջինը վիրաբույժը աշխատում է ձեր վերին կոպերի վրա: Նա կտրում է կոպի երկայնքով, հեռացնում է ավելցուկային մաշկը, մկանները և ճարպը, փակում կտրվածքը:

Ստորին կոպերի վրա վիրաբուժը կտրվածք է կատարում աչքի բնական ծալքի մեջ կամ ներքևի կոպի ներսի հատվածը: Նա հեռացնում կամ վերաբաշխում է ավելցուկային ճարպը, մկանները, հարթեցնում է մաշկը և փակում կտրվածքը:

Եթե ձեր վերին կոպերը շոշափում են բիբը, ապա այս պարագայում ևս վիրաբույժը կարող է կիրառել բլեֆարոպլաստիայի մոտեցումներց մեկը, որը կոչվում է ptosis (TOE-sis), որը լրացուցիչ խթան է հոնքերի մկանների ձգմանը:

 

Վիրահատությունից հետո

Վիրահատությունից հետո՝ որոշ ժամանակ հանգստանալուց հետո, կարելի է տուն գնալ և շարունակել կազդուրումը տնային պայմաններում։

Վիրահատությունից հետո կարող եք ժամանակավոր զգալ՝

  • Աչքերի համար նախատեսված քսուքից ոչ հստակ տեսողություն
  • Աչքերի արցունքոտում
  • Զգայունություն լույսին
  • Կրկնակի տեսողություն
  • Աչքերի թմրածություն
  • Աչքերի շրջանում այտուց
  • Ցավ կամ անհանգստություն

Ձեր բժիշկը, խորհուրդ կտա վիրահատությունից հետո ձեռնարկել հետևյալ քայլերը՝

  • Վիրահատությունից հետո՝ գիշերվա ընթացքում, աչքերին դնել սառույցի պարկեր յուրաքանչյուր ժամվա ընթացքում 10 րոպե տևողությամբ: Հաջորդ օրը, սառույցի փաթեթները կիրառել օրվա ընթացքում 4-5 անգամ
  • Նրբորեն մաքրել ակնակոպերը՝ օգտագործելով համապատասխան աչքի կաթիլներ կամ քսուքներ:
  • Մեկ շաբաթով զերծ մնացեք լարվածությունից, ծանր իրեր վերցնելուց և լողից
  • Մեկ շաբաթ խուսափեք ծանր, լարված աշխատանքներից, ակտիվությունից, օրինակ՝ աերոբիկա և վազք
  • Խուսափեք ծխելուց
  • Խուսափեք աչքերը կկոցելուց
  • Եթե օգտագործում եք կոնտակտային ոսպնյակներ, ապա մի կրեք դրանք մի քանի շաբաթվա ընթացքում
  • Կրեք մուգ մոխրագույն արևային ակնոցներ պաշտպանելու ձեր աչքերն արևից և քամուց:
  • Մի քանի օր քնեք գլուխը կրծքավանդակից բարձր դիրքով
  • Օգտագործեք սառը կոմպրեսներ այտուցը նվազեցնելու համար
  • Մի քանի օր անց, անհրաժեշտության դեպքում, ամրակները հեռացնելու համար այցելեք կլինիկա
  • Մոտ մեկ շաբաթ խուսափեք ասպիրին, ibuprofen (Advil, Motrin IB, այլ), նապրոքսեն նատրիում (Aleve), նապրոզեն (Naprosyn) և այլ դեղամիջոցների կամ բուսական հավելումների օգտագործումից, որոնք կարող են առաջացնել արյունահոսություն: Անհրաժեշտության դեպքում օգտագործեք acetaminophen (Tylenol, այլ), ցավն անցկացնելու համար

Անմիջապես դիմեք բժշկին, եթե առկա է նշված ախտանիշներից մեկը՝

  • Շնչահեղձություն
  • Կրծքավանդակի ցավ
  • Սրտի ոչ կանոնավոր աշխատանք
  • Ուժգին ցավ աչքերում
  • Արյունահոսություն
  • Տեսողական խնդիրներ
Արդյունքները

Բլեֆարոպլաստիայի արդյունքները գոհացուցիչ են, այն հաղորդում է ավելի կենսախինդ և երիտասարդ տեսք, որն էլ նպաստում է ինքնագնահատականի բարձրացմանը: Որոշ մարդկանց համար վիրաբուժության արդյունքները կարող են տևական լինել ամբողջ կյանքի ընթացքում: Մյուսների համար երկրորդական վիրահատության անհրաժեշտություն է առաջանում:

Ընդհանուր առմամբ այտուցն անցնում է 10-14 օրվա ընթացքում: Վիրահատական սպիերն առողջանում են ամիսների ընթացքում: Կարևոր է հոգ տանել ձեր կոպերի հատվածի մաշկի մասին և պաշտպանել այն արևի ճառագայթներից:

Հասցե:  58, 60, 60/1 Աբովյան, 0025, Երևան, ՀՀ

Հեռախոսահամար: +374 91 474169

Էլ․ փոստ:  [email protected]